အမေ... ငါဆိုတဲ့ မာန်တစ်လုံးကို ထမ်းပိုးပြီး အိမ်ကထွက်လာတဲ့ ကျွန်တော်... ပြက္ခဒိန်တွေသာ ဆုပ်ဖြဲခံလိုက့်ရတယ် ရင်ဘက်တစ်ခုလုံး အရောင်စွန်းခံရတာ အဖတ်တင်တယ်... ကျွန်တော်နေ့ရက်တွေ တစတစ အသက်ရှုကြပ်လာတယ်... လုံးပါးပါးရာကနေ လုံးလုံးမပျောက်ကွယ်ခင် ကျွန်တော် အမေ့အိမ် ပြန်လာခဲ့ပြီ အမေ..။
“ အမေ့ဝမ်းထဲမှာ ကျဉ်းကျဉ်းကြပ်ကြပ်နဲ့ ကွေးကွေးလေးနေခဲ့ရပြီး လွတ်လပ်ပြီဆိုပြီး ထွက်လာခဲ့တာ၊ အပြင်လည်း ရောက်ရော မလွတ်လပ်တော့ဘူး”
(စာရေးဆရာ မင်းလူ)
အမေ ကျွန်တော် အလင်းရောင်ကို ခပ်ဝါးဝါးလေး စမြင်လာပြီ ငါဆိုတဲ့ မာနကိုအဟုတ်ကြီးထင်ပြီး စောင့်ကြွားကြွားနဲ့ ဘဝကိုဖြတ်သန်းခဲ့တဲ့ကောင် ဆုပ်ဖြဲခဲ့တဲ့ နေ့ရက်တွေမှာ လဲပြိုကျခဲ့တဲ့ ဒဏ်ရာတွေ နာကျင်မှုတွေ အရာအားလုံးကို တဖြည်းဖြည်း မြေမြုတ်ပြစ်နေပါပြီ။
ကျွန်တော် ရုပ်ဝတ္တုတွေနောက့် အချိန်တော်တော်ကြာ လယ်စင်းခံခဲ့မိတယ် ကျွန်တော်ပြန်ရလိုက်တာက ပျော်ရွှင်ခြင်းနတ္တိပြည့်နေတဲ့ တပ်မက်ခြင်းဆန္ဒတွေ ခုတော့ ရောင်နီလာလုပြီအမေ ကျွန်တော် သန်းကောင်ယံ ရောက်နေတဲ့သူပါ ဒီထက်တော့ ညမနက်နိုင်တော့ပါဘူး အမေ။
ထမင်းကြမ်းကို ဆားဖြူးပဲ စားရစားရ ကျွန်တော်ပျော်တဲ့ အရပ်မှာပဲ နေပါတော့မယ် အမေ ဘဝကို ကျွန်တော်ချစ်တဲ့ ကဗျာတွေ စာတွေလို စိတ်ကူးယဉ်ဆန်ဆန် ဖြတ်သန်းခဲ့ဘူးတယ် လွင်ပြင်ထီးထီးကို ထီး၊ဖိနပ်မပါပဲ ဖြတ်သန်းမိတဲ့သူလို ကျွန်တော်ကျောကော့အောင် ခံစားခဲ့ရဘူးတယ်။
ကုန်သွားတဲ့ အချိန်တွေအတွက့် ကျွန်တော်နောင်တ မရချင်တော့ဘူး အမေ ပြန်မှမရနိုင်တာ ဘာကိုမှ မကြွေးကြော်တော့ပါဘူး လူပီပီသသ နေထိုင်ပါတော့မယ် အဖြူဆန်တဲ့ကောင်က ကိုယ့်ကိုကိုယ် အရောင်ဆိုးလိုက်တယ် အကျည်းတန်သွားတာက ရလဒ်ပေါ့ အမေ။
ကျွန်တော် ကြိုးစားပါမယ် ထပ်ပြီးအရောင်မစွန်းအောင် အများကြီးတွေးပြီး အမှားကြီးလုပ်ခဲ့မိတာပါ အများကြီးမတွေးတော့ရင် အမှားဆိုတာ မရှိတော့ပါဘူး မြင့်မြင့်တွေး မြင့်မြင့်မှန်းခဲ့တော့ ပြုတ်ကျတော့ မျက်မျက်လေးခံရတာပေါ့ နိယာမပဲလေ အနိမ့်က ပြုတ်ကျတဲ့သူနဲ့ အမြင့်က ပြုတ်ကျတဲ့သူ ဝေဒနာ ဘယ်တူမှာလဲ။
ဒီနေ့ဆိုတာ ကျွန်တော် မစဉ်းစားခဲ့မိဘူး အနီးဆုံး မနက်ဖြန်ဆိုတာတောင် မေ့နေခဲ့တယ် ကျွန်တော်က အနာဂတ်မှာ စီးမျောနေမိတဲ့သူကို ခုတော့ ကျွန်တော် အနာဂတ်ဆိုတဲ့ မသေချာတဲ့အရာကြီးကို မေ့ပြစ်လိုက်ပြီ မနက်ဖြန်ဆိုတာ လှပဖို့အတွက် ဒီနေ့မှာ အကောင်းဆုံးရှင်သန်မယ်။
ကျွန်တော်က မြေကြီးဆန်တယ် ရာသီဥတုအလိုက် ပြောင်းလဲတယ် နွေဆိုရင် ပက်ကြားအက်နေသလို မိုးဆိုလဲ ဗွက်ပေါက်နေတဲ့လူ ကြီးကြီးကျယ်ကျယ် ကွန်ကရစ်လောင်းချင်တော့ အပေါ်ယံ လှပပေမယ် အတွင်းမှာ ဒဏ်ရာရတာပေါ့ ခုတော့ မြေကြီးဆန်ဆန် နေထိုင်တော့မယ် ပက်ကြားအက်အက် ဗွက်ပဲပေါက်ပေါက် ကျွန်တော်ကျေနပ်တက်ပြီ။
