နှုတ်ဆက်ခဲ့ပါတယ် ဧပြီ... နင်လဲရွှေယုန် မဟုတ်ခဲ့သလို ငါလဲရွှေကျား မဖြစ်ခဲ့ပါဖူး ဒါပေမယ့် ပုံပြင်အဆုံးမှာတော့ လေမုန်တိုင်းကြပြီး နွေခေါင်ခေါင်မှာ မိုးကြိုးတွေတော့ ပြစ်ခဲ့ပါတယ်.. ။ နှုတ်ဆက်ခဲ့ပါတယ်... ဧပြီမှာ ပွင့်တဲ့ပိတောက် ဧပြီမှာ ရှိတဲ့သင်္ကြန် ပြီးတော့ ဧပြီမှာ ပြီးသွားတဲ့ ပုံပြင်တစ်ပုဒ် အရားအားလုံး နှုတ်ဆက်ခဲ့ပါတယ်.. ။
ဒီနေ့ ဧပြီရဲ့နောက်ဆုံးရက်ပါ နှုတ်ဆက်ပါတယ် ဧပြီ... ငါချစ်တဲ့ နင့်ကို ဧပြီမှာ ကျတဲ့ သင်္ကြန်၊ ဧပြီမှာ ပွင့်တဲ့ ပိတောက် ပြီးတော့ ဧပြီမှာ လမ်းခွဲခဲ့တဲ့ ချစ်သူ အရာအားလုံး နှုတ်ဆက်ပါတယ်... 2011 ဧပြီဆိုတာကို မေ့လို့ရပါတယ် ပြီးဆုံးသွားပြီလေ ဒီညဆိုရင် ဒါပေမယ့် ဧပြီဆိုတာ ရှိလာအုံးမှာပဲ သင်္ကြန်လဲကျမှာပဲ ပိတောက်လဲနှစ်စဉ် ပွင့်နေအုံးမှာပဲ... အဲ့ဒီအရာအားလုံးနဲ့ အတူ ငါ့ဒဏ်ရာကလဲ အသစ်ပြန်ဖြစ်ရအုံးမယ် ဧပြီရောက်တိုင်း သင်္ကြန်ကျတိုင်း ပိတောက်ပွင့်တိုင်း ငါနာကျင်ရမယ့် အဖြစ်ကို မုန်းတယ်ဟာ.. ဧပြီ နင့်ကို မုန်းပါရစေ နှုတ်ဆက်ခြင်းနဲ့ အတူ...
ခုတလော စိတ်တွေ အရင်လို မဟုတ်တော့ပါ တော်တော်အတ္တကြီးပြီး တစိမ်းဆန်နေတယ်.. ပတ်ဝန်းကျင်ဆိုတာကို အရင်လို လိုက်လျောညီထွေနေဖို့ ခက်ခဲနေတယ် ကိုယ့်ဘာသာ သီးသီးသန့်သန့်နေချင်နေတယ် နေလဲနေမိတယ် ဘယ်လိုပဲသူတို့ ထင်ပါစေ စိတ်ကျေနပ်ဖို့ အဓိကပါ..
အရင်ထဲကဆို လူတွေနဲ့ တရင်းတနှီးမနေတက်ပါဘူး ဒီရောက်မှ မိသားစုမဟုတ်တဲ့ သူတွေနဲ့တသားထဲကျအောင် ကြိုးစားနေခဲ့တာပါ အရင်လို စိတ်ကြည်လင်နေတဲ့ အချိန်ကတော့ ပြဿနာသိပ်မရှိပါဘူး အဆင်မပြေလဲ မေ့မေ့ပျောက်ပျောက် ခဏနေရင် အရင်အတိုင်း ရင်းရင်းနှီးနှီး ပြန်နေလိုက်တာပဲ... ခုကတော့
အရင်လို မဟုတ်တော့ဘူးလေ အချစ်ကြောင့် အသည်းကွဲခဲ့ရပြီ အိမ်ကို သတိရတဲ့စိတ်ကလဲ ဒဏ်ရာကို ထပ်ပြီးနာကျင်စေတယ်.. လူကသာ အိပ်ယာပေါ် တုံးလဲလှဲနိုင်တဲ့ အခြေအနေမရှိတော့ ကိုယ့်ကိုကိုယ် အားတင်းပြီးရပ်တည်နေရတယ် ကျန်းမာရေး သိသိသာသာ ဆိုးလာတယ် သတိထားမိနေတယ် တပတ်မှာ နှစ်ခါလောက်ဖျားနေတာ မကောင်းဘူးလေ...
အသက် ၃၀ အရွယ် မိန်းမတစ်ယောက်ရဲ့ အပြုအမူက တော်တော်ရီရပါတယ် နေမကောင်းရင် ဆေးခန်းသွားဖို့ မတွေးပါ သောက်ရတဲ့ ဆေးအရေအတွက်မှာ ပဲကြီးလှော်မဟုတ်သည့်အတွက် ခါးခါးသီးသီး မဟုတ်ပေမယ့် တော်တော်လေး မုန်းနေမိပါသည် ဆေးဆိုသော အရာကို.. ထို့ကြောင့် အရုပ်ဝယ်မိပါသည် ကိုယ့်ဘာသာသိပါသည် အရုပ်ဆိုသည်မှာ ကလေးကစားစရာမှန်း ဒီအရွယ်ထိ အရုပ်လိုချင်ဆဲ စိတ်ကိုအံသြမိယုံမှတပါး ဘာမှမတက်နိုင်ပါ မပြောတက်တော့ပါ ခံစားချက်ဆိုတာကို...
စက်တင်ဘာဆိုရင် ကလေးဆန်သော အပြုအမူ တော်တော်များများကို စွန့်ပြစ်ရပါတော့မည် အသက်၃၀ တိတိပြည့်ပါမည်.. ရင်နဲ့အမျှ ချစ်ရသော သူကိုတောင် နှုတ်ဆက်ခဲ့နိုင်သူအတွက် သူနှစ်သက်သော အပြုအမူအချို့ စွန့်ပြစ်ရမည်မှာ သိပ့်ထိခိုက်မည်မဟုတ်ပါ နဲနဲထပ်ပြီး အထီးကျန်ဆန် သွားယုံသာ...
အနာဂတ်ဆိုသည့် အရာမှာ သူ့အတွက် ဗလာသပ်သပ် ပန်းချီကင်းဘက်စတစ်ခုမျှသာ အနာဂတ်အတွက် ဘာမှမစဉ်းစားထားပါ နေ့စဉ်ပုံစံခွက်ထဲ အသားကျနေသော ကိုယ့်ဘာသာ မုန်းတီးမိပါသည် သို့သော်.. မရုန်းထွက်နိုင်သေးပါ အနာဂတ်ကိုသာ မစဉ်းစားခဲ့ပေမယ့် လက်ရှိအချိန်ကိုတော့ လစ်လျှူမရှုနိုင်သေးပါ ဒဏ်ရာရသွားသော ကျားတစ်ကောင်သည် ကြောက့်ဖို့အလွန်ကောင်းပါသည် သူကတော့ ကြောက်စရာမကောင်းပါ ပတ်ဝန်းကျင်ဆိုတာနှင့် အလွန်ဝေးကွာစွာ တည်ရှိနေသောကြောင့်...
နှုတ်ဆက်ခဲ့ပါတယ် ဧပြီ... ငါချစ်တဲ့ နင်.. ချစ်တဲ့ သင်္ကြန်.. နှစ်သက်တဲ့ ပိတောက်.. မြတ်နိုးတဲ့ ချစ်သူ.. အရာအားလုံး ဟာ ဧပြီမှာ ဖြစ်တည်တဲ့ တည်ရှိတဲ့ အရာအားလုံး ငါ နှုတ်ဆက်ခဲ့ပါတယ် .. ။
No comments:
Post a Comment