အင်္ဂါမို့လို့ ဆိုးတာလား?? ၈ရက်နေမှာ မွေးတာမို့လို့ ဆိုးတာလား?? အမေပြောသလို မွေးတဲ့အချိန်က နက္ခတ်ကြမ်းလို့ ဆိုးတာလား?? မသေချာပေမယ့် သေချာတာက ကျွန်တော် အရမ်းဆိုးတယ် အရမ်းဒေါသကြီးတယ် ပြဿနာဆိုတဲ့ အကောင်နဲ့ အတူရှိနေတက်တယ် အမေ။
ကျွန်တော် ကြိုးစားပါတယ် လူကောင်းတစ်ယောက်ဖြစ်အောင် မရဘူး အမေ တကယ်ခဏဆိုမှ ခဏလေးပဲ ကျွန်တော်ဒီနှစ်မပြန်ဘူး ပိုက်ဆံအကုန်အကျများနေတယ် အိမ်ကိုမပို့နိုင်ဘူး ခုတော့ ကျွန်တော် ဖြုန်းတီးမိလိုက်တယ် ကျွန်တော်မရှာနိုင်တဲ့ အတိုင်းအတာကို အိမ်ကနေတောင်းပြီး ဖြုန်းတီးလိုက်တယ် မိဘဆိုတာ မြစ်ရေလိုစုန်ရေပဲ ရှိပေမယ့် ကျွန်တော် နှိပ်စက်တာလွန်သွားပြီ အမေ။
ကျွန်တော့်အမှားတွေကို ဘာနဲ့ပေးဆပ်ရမှာလဲ အမေ တစ်ခွန်းလောက် ပြောပါ ကျွန်တော် စိတ်ဓါတ်တွေ တကယ်ကျနေတယ် အမေ ခုအချိန်မှာ ကျွန်တော့် အတွေးထဲမှာ သေချင်တာတစ်ခုပဲ ရှိတယ်အမေ အဲ့ဒါကို ထွက်ပေါက်တစ်ခုလို ကျွန်တော်ခံယူထားတယ်။
စာရေးရင်းနဲ့ စိတ်တော်တော်လေး ညစ်လာတယ် ဘာလုပ်ရမယ်လဲ မသိဘူး line ပေါ်တက်ပြီးမွှေနေမိတယ် တောင်ရောက်လိုက် မြောက်ရောက်လိုက် အတွေးကို ထိန်းချုပ်ရတာ တော်တော်ကို ခက်ခဲတယ် ကိုယ့်စိတ်ကို မအောင်နိုင်သေးသမျှတော့ လူဖြစ်အုံးမှာမဟုတ်ဘူး အသက်ဘယ်လောက်ရှိရှိ ငါကွ ဆိုတော့ စကားလုံးကို ခုအချိန်ထိ မသုံးနိုင်သေးဘူး နောက်ရောသုံးနိုင်မလားဆိုတဲ့ အမေးကို တစ်ယောက်ထဲ မေးရင်း သက်ပြင်းချလိုက်မိတယ်။
Blog ဘက်စိတ်ပြန်ရောက်လာတော့ နဲနဲတော့ ၀မ်းသာတယ် ရေဝေးကြာလိုပဲ စာဆိုတဲ့ အထိန်းအကွပ်နဲ့ ဝေးရင် အရမ်းမိုက်ရိုင်းတယ် တော်တော်လေးကြမ်းတမ်းနေတယ် မောင် လို့ ကျွန်တော်ခေါ်တဲ့ သူတောင် ကျွန်တော့်ကိုစိတ်ကုန်စပြုလာပြီ။
စိတ်ထဲမှာ အမည်တစ်ခု ထင်ထင်ရှားရှား တွေ့လိုက်ရတယ် ကြီးမိုက်တဲ့ ကြီးမှမိုက်တာ ကျွန်တော့်လူသက်တမ်း တ၀က်ရောက်နေတာတောင် နောင်တဆိုတာကို ခဏခဏ ခလုပ်တိုက်နေတယ် ခလုပ်တိုက်မိရင်တော့ သတိထားမိတယ် နောင်တဆိုတာကို အဲ့ဒီ့အနာကျတ်သွားရင်တော့ မေ့သွားတယ်။
ဘ၀ ဆိုတာ ကိုယ်တိုင်တည်ဆောက်ရတဲ့ အိမ်တစ်လုံးပါ ကျွန်တော်က လေထဲအိမ်ဆောက်နေတာမဟုတ်ဘူး သဲနဲ့ အိမ်ဆောက်နေတာ စိတ်ကူးပေါ်သမျှ အိမ်ပုံစံကို ခဏခဏ ပြင်ဆောက်နေမိတယ် အဲ့လိုဆိုတော့ ကျွန်တော်အိမ်တော့ ဆောက်နေတာပဲ ရုပ်လုံးမပေါ်လာဘူး စိတ်ကူးရှိသလို ပြင်ဆောက်နေတာကို။
မတွေးတာတော့ မဟုတ်ဘူး တွေးတော့တွေးပါတယ် ငါ လုပ်နေတာတွေ မဟုတ်ဘူးဆိုတာ စကားပုံရှိတယ်လေ မရှိတာထက် မသိတာခက်တယ် ကျွန်တော်လဲ အဲ့လိုပဲ မိကျောင်းကို ရေခင်းပြသလို ကျွန်တော်သိတယ် အဲ့ဒီ့သိတာကို သိယုံလေးနဲ့ ထားထားလိုက်တာ လက်တွေ့မလုပ်ဘူး မပြင်ဘူး မှားနေတာကို။
ဟူး... မောတယ်ကွာ အပူလုံးကြီးက ရင်ထဲဆို့နေတယ် မတွေးချင်ပေမယ့် မတွေးလို့မရတဲ့ အချိန်ရောက်နေပြီ ခလုပ်ထိတော့ အမိတတက်နေပြီ အမေ ကျွန်တော်အိမ်က ပြန်လာတဲ့ နောက်ပိုင်းမှာ ခဏခဏ ခေါ်မိတယ် အမေဆိုတဲ့ နာမ်စားလေးကို နောက်ဆုံး ကျွန်တော့်ကိုကျွန်တော် သတ်သေမိတဲ့ အခြေအနေရောက်ခဲ့ရင်တောင် ကျွန်တော်ခေါ်နေမိမှာပဲအမေ။
တော်ပြီကွာ ခေါင်းတစ်ခုလုံးလဲ အငွေ့ပျံနေပြီ အရည်မရ အဖတ်မရ အတွေးတွေပဲ ကျွန်တော့်ခေါင်းထဲ ရောက်ရောက်လာတယ် တက်နိုင်မယ်ဆို ဘာမှကိုမသိချင်ဘူးကွာ ခုအချိန်မှာ။
စိတ်ဓါတ်ကျတယ်တဲ့ အဲ့ဒီ့စကားလေးတစ်လုံးက လူတစ်ယောက်ရဲ့ အသက်ကို ဖက်ရွက်လေးတစ်ခုလို ချွေချနိုင်တယ်ဆိုတာ ကျွန်တော်ယုံကြည်လိုက်ပြီ အမေ။
No comments:
Post a Comment