ဘာ...
ပန်းဖြစ်ချင်လို့
ခပ်သွမ်းသွမ်းရယ်သံ
လွင့်ကျလာတယ်...
ပွင့်ပြီးမှဖူးရအောင်
ရူးလှချီလား
ဆိုခရေးတီးလို
ကမ္ဘာကျော်ဖို့
မိုနာလီဇာလို
ပြုံးပြလိုက့်ပါလား...
အသံမဲ့စကားတခွန်း
ရင်ကိုမှန်သွားတယ်...
တဝက်တပျက်
မျက်နှာကိုရုတ်သိမ်း
ရေလောင်းပေးလိုက်ပါတယ်...။
ညဝေးကြယ်။ ။
အချစ်...
နင်နဲ့ငါကြားမှာ ချည်နှောင်ထားတာ
အချစ်ဆိုတဲ့ စကားလုံး မဟုတ်ဘူး
ဘဝဆိုတဲ့...
စကားလုံးခက်နက်နက်လေးပါ
အချိန်ဆိုတာလဲ
ငါ မယုံကြည်ဘူးချစ်သူ
သံယောဇဉ်ဆိုတဲ့...
ကြိုးကိုတော့ ငါကြောက်တယ်
ငါ့ဘဝကို နင်ချည်နှောင်လိုက်တာ
သံယောဇဉ်...
အချစ်ဆိုတာ
ခပ်ပေါပေါကဗျာတစ်ပုဒ်ဆို
လူတွေငါ့ကိုသတ်မလား
ငါ အသေခံလိုက့်ပါမယ်...
သူတို့မသိတဲ့ ချည်နှောင်မှုကို
ငါရှင်းပြဖို့ မတန်ဘူးဟာ
အချစ်ဆိုတဲ့...
အပေါစားဝတ္တုကို
ခုံမင်နေတဲ့ လူတစ်သိုက်အတွက်
နင့်အတွက်အချိန်တွေ
ဖဲ့မပေးရပါစေနဲ့ဟာ
ငါ နင့်ကိုချစ်တယ်...
အပေါစားကဗျာ
အပေါစားဝတ္တု
မဟုတ်ဖူး ချစ်သူ
ငါ့ရင်ဘက်က အန်ထုတ်လိုက့်တဲ့ ဘဝပါ။
ညဝေးကြယ်။ ။
ထောင်ဆိုတာ ဘယ်လိုအရာလဲဆိုတာ ထောင်ကျဘူးတဲ့သူ (သို့မဟုတ်) အဲ့သူရဲ့ မိသားစုဝင် အဲ့လို ပတ်သတ်ဆက်နွယ်နေတဲ့ သူတွေကသာ အတွင်းကျကျ နားလည်တဲ့ ဝေါဟာရပါ။
နိုင်ငံရေးလုပ်တာ ဥပဒေ ပုဒ်မ ၅ည နဲ့ ငြိစွန်းလို့ ထောင်ကျခဲ့ရပေမင့် ဘယ်သူကရော ထောင်ထဲဝင်ချင်ပါ့မလဲဗျာ ထောင်ပါဆိုမှ ဘယ်လိုလာပြီး လိုလေသေးမရှိ ပြည့်စုံနေတဲ့ နိဗ္ဗာန်ဘုံကြီး ထင်နေသရော့လားဗျာ။
ဘယ်လို အကြောင်းကြောင်းကြောင့် ထောင်ထဲဝင်ရပါစေ အဆင်မပြေနိုင်ပါဘူး အဲ့လိုနေရာဒေသမှာ
နှစ်ပေါင်းများစွာ နေခဲ့ရတဲ့သူတွေ လွတ်မြောက်လာခြင်းအတွက် ဝမ်းသာဂုဏ်ယူမဆုံး ဖြစ်မိပါတယ် ဒီနေ့ လွတ်ငြိမ်းချမ်းသာခွင့်ပြုလိုက်တဲ့ လုပ်ရက်ဟာ သမ္မတကြီးဦးသိန်းစိန်အတွက့် သမ္မတသက်တမ်း ၅နှစ်မှာ အပြောင်မြောက်ဆုံး ဂုဏ်ထူးဆောင်လိုက်တဲ့ ဆုံးဖြတ်ချက်ပါပဲ ဒီဆုံးဖြတ်ချက်ရဲ့ နောက်မှာ ပါရှိတဲ့ ဂယက်ရိုက်ခက်မှုတွေကို (ပြည်သူတွေရဲ့ ဝမ်းသာပျော်ရွှင်ခြင်း၊ အစိုးအရအဖွဲ့ဝင်များရဲ့ ပြစ်တင်ဝေဖန်ခြင်းများ)
သူလဲ ခံစားရမှာပါ။
ဘာပဲဖြစ်ဖြစ် သမ္မတကြီးအနေနဲ့ သူတက်နိုင်တဲ့ အတိုင်းအတာထက် ကျော်လွန်ပြီးတော့ လုပ်ဆောင်ပေးပြီးပါပြီ ကျွန်တော်တို့ ပြည်သူတွေဘက်ကလဲ တက်နိုင်သလောက် ဝိုင်းကာဝန်းကာ ကြိုးပမ်းပေးဖို့ပဲ ကျန်ပါတော့တယ် ဘယ်လက်သမားဆရာမှ အိမ်တစ်လုံးကို တစ်ယောက်ထဲ မတည်ဆောက်နိုင်ပါဘူး ဒီလိုပါပဲ ကျွန်တော်တို့ မြန်မာနိုင်ငံတော်ကြီးကိုလဲ သမ္မတကြီးဦးသိန်းစိန် တစ်ဦးထဲ ကြိုးပမ်းမပေးနိုင်ပါဘူး ဒီနေ့ကစပြီး ကျွန်တော်တို့လဲ ကိုယ်တက်နိုင်တဲ့ အခန်းကဏကနေ ကြိုးပမ်းပေးကြပါဆိုခင်ဗျာ။
ဘယ်ဘက် ရင်အုံစီက
ဆစ်ကနဲ နာကျင်မှုနဲ့အတူ
လက်ခနဲ အပြုံးတချက်
ငါ့ နှုတ်ခမ်းထက် တောက်ပသွားတယ်။
တစစ ကြီးထွားလာတဲ့
ဥပက္ခာကို ထင်ထင်ရှားရှား
ခလုပ်တိုက်လိုက်တဲ့ တဒင်္ဂ။
အချစ်ဆိုတဲ့ စကားလုံးအောက်မှာ
တိတိပပ ပေးလိုက်ရတဲ့
ခံစားချက်
တိတိကျကျ ပြန်ရလိုက်တဲ့
မျက်ရည် အချိုးကျနစွာ။
နောင်တမဲ့နေတဲ့
ခပ်မိုက်မိုက်ကောင်
အက်သွားတဲ့ ရင်ဘက်ကို
ငုံကြည့်ရင်း...
မျက်ရည်တစ်စက် ခုန်ဆင်းသွားခဲ့တယ်။
ညဝေးကြယ်။ ။
You told me You'll love me forever,
How long is forever to You?
Everyone always tell me
to listen to my heart,
But what happens
when even my heart
Doesn't know the answer
A guy and A girl can be just friends.
they will fall for each other...
May Be temporarily
May Be at the wrong time
May Be too late
or
May Be forever...?
The hardest part of moving forward
is not looking back...
ထောင်းခနဲ ဆိုတဲ့အသံနဲ့အတူ
ကြိုးပြတ်သွားခဲ့တယ်။
လူလိမ္မာမဟုတ်ခဲ့တော့
အလျှော့အတင်းဆိုတဲ့
စကားလုံးတွေကို
မျက်ကွယ်ပြုခဲ့သူ...
စောင်းကြိုးလို
အလျှော့အတင်း မညှင်းခဲ့သလို
ဝါယာကြိုးလို
နွေမှာလျှော့ပြီး
ဆောင်းမှာမတင်းနိုင်ခဲ့သူ...
စွန်တစ်ကောင်လို
မာန်မဝင့်ခဲ့ပေမယ်
မှန်စာတိုက်ထားတဲ့ကြိုးလို
မာန်ကြီးခဲ့မိသူ...
တင်းလွန်းရင်ပြတ်
လျှော့လွန်းရင်ပတ်တဲ့
လျှော့ကြိုးကုန်ချိန်ရောက်မှ
ဘွာတေးလုပ်မိသူ...
ဒီလိုနဲ့ပဲ
ဘယ်သူမှမကြားနိုင်တဲ့
ကြိုးပြတ်သံဟာ
ငါ့ နားဝမှာတော့
မိုးချိမ်းသံထက် ကျယ်လောင်လွန်းခဲ့တယ်။
ညဝေးကြယ်။
နယ်စပ်ဒေသ
နေ့ နဲ့ ည ကြားမှာ
တစ်စက္ကန့် ပဲ ခြားတယ်။
... တစ် ဒီဂရီနဲ့ 
သုံးရာခြောက်ဆယ် ဒီဂရီကြားမှာ
တစ် ဒီဂရီပဲ ခြားတယ်။
ဆောင်းနဲ့ နွေကြားမှာ
လေတစ်ဝှေ့ ပဲ ခြားတယ်။
အပြာနဲ့ အစိမ်းကြားမှာ
အ၀ါတစ်စက်ပဲ ခြားတယ်။
ရှင်ခြင်းနဲ့ သေခြင်းကြားမှာ
မျက်တောင်တစ်ခတ်ပဲ ခြားတယ်။
အချစ်နဲ့ အမုန်း ကြားမှာ
မျဉ်းတစ်ကြောင်းပဲ ခြားတယ်။
ဟိုဘက်ကို ကူးဖို့ ဆိုတာ
လွယ်လွယ်ကလေးပါ။ ။
မင်းလူ။
နေတွေ ညတွေမှားနေတာ မဟုတ်ခဲ့ပါဘူး ငါဆိုတဲ့ မိန်းမတစ်ယောက် တည်ရှိနေတာကို ကြက်ခြေခတ်ကြီး တစ်ခုပါ ဘဝမှာ မှန်ကန်ခြင်းတွေ ရှာဖွေနေခဲ့ပြီး အမှားတွေ အကြိမ်ကြိမ်ကျူးလွန်မိနေတဲ့ ငါ့ကို ဘယ်နတ်ဒေဝါကမှ မတားဆီးခဲ့ရတာလဲ
နောင်တဆိုတဲ့ ဝေါဟာရကို ငယ်ပေါင်းကြီးဖော်နေရာကနေ ရန်သူကြီးတစ်ယောက်လို သတ်မှတ်ပေးပါ မျဉ်းတစ်ကြောင်းကို ငါကူးရဲတဲ့ သတ္တိမရှိပါဘူး မျက်တောင်တခတ်လေးတော့ ငါခြားချင်နေမိတယ် ရှင်သန်ရတာ ပင်ပန်းလွန်းပါတယ်
အတိတ်ကို လှည့်ကြည့်လိုက်ရင် နတ္တိ ပစ္စုပန်ကလဲ ဗလာ ငါ့အတွက် အနာဂတ်ဆိုတာ စက္ကူလွတ်တရွက်ပါ စိတ်ခန္ဓာတစ်ခုလုံး မနက်ဖြန်မရှိတဲ့ အိပ်စက်ခြင်းနဲ့ အိပ်စက်လိုက်ချင်တယ် ရှင်သန်ခြင်းက အဲ့လောက်တောင် ခက်ခဲနေရသလား တိုးတိုးဖွဖွရေရွတ်မိတာ ခဏခဏ
ဦးနှောဏ်တစ်ခု လက်နှစ်ဖက် နှလုံးသားတစ်ခု အစာအိမ်တစ်ခု ပါတာခြင်းအတူတူ ဘာဖြစ်လို့များ လောကဓံကို ရင်ဆိုင်ရဲတဲ့ သတ္တိဆိုတာလေး ပျောက်ဆုံးနေရတာလဲ
ဆန့်ကျင်ဘက် မှန်သမျှကို ကြောက့်ရွံ့နေရအောင် ငါလဲလူတစ်ယောက်ပါပဲ ဂျိုမပါပါဘူးကွယ်
၁။ လာဘ်ရမှု၊
၂။ လာဘ်မရမှု၊
၃။ အခြံအရံရှိမှု
၎။ အခြံအရံမရှိမှု၊
၅။ ကဲ့ရဲ့မှု၊
၆။ ချီးမွမ်းမှု၊
၇။ ချမ်းသာမှု၊
၈။ ဆင်းရဲမှု အဲ့ဒီ့ လောကဓံလေးတောင် ငါတွန်းလှန်နိုင်စွမ်း မရှိခဲ့ဘူး
တကယ်တော့ ငါဆိုတဲ့ မိန်းမတစ်ယောက်က ဘဝဆိုတာကို စိတ်ကူးယဉ် ကဗျာတစ်ပုဒ်လို သတ်မှတ်ခဲ့မိတာ နွေးထွေးတဲ့ နေရောင်ခြည် အေးမြတဲ့ မိုးရေ ချမ်းစိမ့်တဲ့ ဆောင်းလေရူး အဲ့ဒါတွေပဲ ဘဝလို့ ထင်မှတ်ထားတာ စူးရှတဲ့ နွေနေပူ ပြင်းထန်တဲ့ မိုးခြိမ်းသံ သွေးခဲစေတဲ့ ဆောင်းည အဲ့ဒါတွေလည်း ဘဝပဲဆိုတာ မေ့လျော့နေမိတာ
ဘဝဆိုတာ ကဗျာတစ်ပုဒ် စာတစ်ပုဒ် သီချင်းတစ်ပုဒ် ပန်းချီကားတစ်ချပ်မှ မဟုတ်နိုင်တာ နောက်ဆုံးတော့လဲ လွင့်ကျသွားတဲ့ ငါ့စိတ်ဓါတ်ကို ခပ်လေးလေးကုန်းကောက်လိုက်ပြီး ညာဘက်ရင်ဘက်ထဲ ထိုးထည့်လိုက်တယ် အသက်မဲ့နေတဲ့ အပြုံးလေးကို ငါ့နှုတ်ခမ်းထက် ချိတ်ဆွဲလိုက်ပြီးတော့ ငါမနိုးထချင်တော့တဲ့ မနက်ဖြန်ခရီးကို ယိုင်နဲ့နဲ့လေး ဆက်သွားနေရတယ်။
အကယ်၍ သတ္တိဆိုတာလေးများ နတ်ဒေဝါတစ်ပါးပါးက ပေးသနားခဲ့ရင် မနက်ဖြန်ဆိုတာကို မနှိုးထချင်တော့ဘူး.. အကယ်၍ မျဉ်းတစ်ကြောင်းသာ ငါကူးခဲ့ရင် မျက်တောင်တခတ်ဆိုတာ ပြီးဆုံးခဲ့ပြီ.. လွင့်ကျသွားတဲ့ စက္ကူလွတ်တစ်ရွက်ကို ဖမ်းဆုပ်ရင်း မနက်ဖြန်ကို ယိုင်နဲ့နဲ့ ခရီးဆက်လိုက်ပါအုံးမယ် အမေ။
အမေနဲ့အဖေ ကျေးဇူးတင်ပါတယ် သမီးကို ဒီအရွယ်အထိ အတက်နိုင်ဆုံးပံ့ပိုးပြီး အနွေးထွေးဆုံး ချစ်ကြင်နာခဲ့လို့ပါ။ တကယ်ဆို သမီးအသက်အရွယ်က ဘဝတစ်ခုကို ခြေစုံရပ်တည်နိုင်ပြီလေ ဒါပေမယ့် သမီးရဲ့အသုံးမကျမှုကြောင့် အရိပ်မမိုးပေးနိုင်ဘူးနော် သမီးဆိုတာ ထီးတဲ့လေ အဲ့ထီးက နေပူမိုးရွာ ကာကွယ်ပေးမဲ့ ထီးရွက်မရှိခဲ့ပါဘူး သမီးကြိုးစားမှာပါ။
ခိုလှုံစရာရင်ခွင်သစ် ရှိနေပြီဆိုလဲ သမီးအတွက့်ကတော့ ရင်ခွင်ဟောင်းကို လိုအပ်နေမြဲပါ ခဏခဏလဲကျတက်တဲ့ သူအတွက့် အိမ်ဆိုတာ နားခိုစရာလေ အတောင်စုံရင်တောင် ခြေစုံမကန်သွားပါဘူး အတောင်စုံမယ့်အချိန် ကျော်လွန်နေခဲ့တာတောင် အဖေရှာဖွေလာတဲ့ အမေခွံကျွေးမယ့် အစားအစာကို အသိုက်မြုံထဲကနေ စောင့်စားနေတဲ့ ငှက်တစ်ကောင်ပါ။
ဘဝဆိုတာက စိတ်ကူးယဉ်ဝတ္တုတစ်ပုဒ် မဟုတ်ခဲ့ပါဘူး ဒါပေမယ့် သမီးအမြဲ စိတ်ကူးယဉ်တက်တယ် အတွေးအခေါ်ကောင်းတယ်ဆိုတာ ဖန်တီးနိုင်တဲ့သူမှပါ ဖန်တီးနိုင်တဲ့ စွမ်းရည်ရှိပေမယ့်လည်း အဲ့ဒါကိုတဖန်အသုံးချနိုင်မှလေ ခုတော့ ဖန်တီးနိုင်ယုံမှာတင် ရပ်တန့်နေတဲ့ သူတစ်ယောက်အတွက်ကတော့ အရာရောက်တယ်ဆိုတဲ့ ဝေါဟာရ ပိုင်ဆိုင်ဖို့ တော်တော်ကြိုးစားအားထုတ်ရမယ် ထင်ပါတယ်။
ဤခရီးနီးသလား
ငါးနာရီလာရသည်
မီးရထား စီးလာပါ
အလကား မစီးရ။ မူလတန်းကျောင်းနေအရွယ်က သင်ခဲ့ရတဲ့ စာလေးတစ်ပုဒ်ပါ လူ့ဘဝခရီးက နီးလားဝေးလား မသိရပေမယ့် သမီးသွားနေတဲ့ ခရီးကတော့ လမ်းပျောက်နေတယ်။
ကြီးမိုက်တဲ့ ကိုယ့်ကိုကိုယ် အဲ့ဒီ့ဘွဲပေးလိုက်ပါပြီ အရင်က ပန်းတိုင်ဆိုတာ အရေးကြီးခဲ့သလောက် အခု ပန်းတိုင်ပျောက်တာ နှစ်ချီခဲ့ပါပြီ လမ်းပျောက်နေတာကို စမ်းတဝါးဝါး လျှောက်နေခဲ့သူ မဟုတ်ပါဘူး လမ်းမှားကို လိုက်နေမိသူပါ။
ခုအရာရာကို ချင့်ချိန်တက်ပါပြီ လူကြီးလုံးလုံးဖြစ်နေတဲ့ အရွယ်ရောက်မှ ချင့်ချိန်တော့မယ့် သူတစ်ယောက်ကို နားလည်ပေးပါ အမြဲသမီးအပေါ် နားလည်ပေးခဲ့ပေမယ့် ဒီတစ်ကြိမ်တော့ သမီးကိုယ်တိုင် တောင်းဆိုမိတာပါ။
၂၀၁၁ ဒီဇင်ဘာက က သမီးလမ်းမှားနေတာကို မီးမောင်းထိုးပြလိုက်တာပါ ၂၀၁၂ ကနေစပြီး သမီးဘဝကို အကောင်းဆုံးဖြစ်အောင် ဦးတည်လိုက်ပါပြီ လမ်းမှားရောက်ခဲ့ရင်လဲ လမ်းမှန်ပြန်ရောက်အောင် ကြိုးစားမှာပါ သမီးအိမ်ပြန်လာတော့မယ် အဖေနဲ့အမေ မိဘနဲ့ အတူတကွ နေထိုင်တော့မယ် ရုပ်ဝတ္တုပစ္စည်းတွေ မပံ့ပိုးနိုင်ခဲ့ပေမယ့် မိဘကို ခြေဆုပ်လက်နယ် ပြုနိုင်မယ်လေ သမီးလူဆင်းရဲတာမှုပါဘူး စိတ်မချမ်းသာတာကြီးကို မလိုချင်တော့ပါဘူး တိုးတက်မလားလို့ ထိုးထွက်ခဲ့မိတာမှ စိတ်ဓါတ်တွေပျက်စီးခဲ့ရတဲ့ ကိုယ့်ဘာသာ နှမြောမိပါတယ် အဆိုးထဲက အမြတ်ကတော့ အိမ်ဆိုတာ ဘယ်လောက်တန်ဘိုးကြီးမှန်း သိခွင့်ရလိုက်တာပါ။
ဘဝဆိုတာ တိုက်ပွဲတဲ့ သမီးနောက်မှာ စစ်ကူမရှိဘဲ မတိုက်တော့ပါဘူး အိမ်ဆိုတဲ့ နောက်တန်းရှိမှ သမီးတိုက်ပါတော့မယ် မနိုင်တဲ့စစ်ကို အကြိမ်ကြိမ်တိုက်ခဲ့မိတော့ စစ်ရှုံးတာပဲ အဖတ်တင်ခဲ့ရတာပေါ့။
အရွက်မဲ့တဲ့ ထီးတစ်လက်ကနေ ထီးရွက်၊ထီးကိုင်း၊ထီးရိုး၊ထီးခလုပ် ပြည့်စုံတဲ့ ထီးတစ်လက်ဖြစ်အောင် ကြိုးစားပါတော့မှာပါ။
ညဝေးကြယ်။
